کراچی میں پکڑ دھکڑ شروع ، عزیر بلوچ کے حوالے سے ناقابل یقین خبر آگئی – Tareekhi Waqiat Official Urdu Website
You are here
Home > پا کستا ن > کراچی میں پکڑ دھکڑ شروع ، عزیر بلوچ کے حوالے سے ناقابل یقین خبر آگئی

کراچی میں پکڑ دھکڑ شروع ، عزیر بلوچ کے حوالے سے ناقابل یقین خبر آگئی

کراچی (نیوز ڈیسک) پولیس نے کراچی کے علاقے لیاری سے گینگ وار عزیر بلوچ گروپ کے 2 اہم کارندوں کو گرفتار کرکے ان کے قبضے سے اسلحہ برآمد کرلیا۔ سائٹ کے علاقے سائٹ اے سے ڈکیتی کےالزام میں 3افراد کو جبکہ لیاقت آباد سپرمارکیٹ سے گاڑیاں چرانے والے 2ملزمان کو گرفتار کیا گیا ہے، ملزمان چوری کی گاڑی میں منشیات اسمگل کرتے تھے۔ ذرائع کے مطابق قانون نافذ کرنے والے اداروں نے لیاری کے علاقے

عیدولین میں ٹارگٹڈ کا رروائی کی جس کے دوران لیاری گینگ وار عزیر بلوچ گروپ کے 2 اہم کمانڈرز کو گرفتار کرکے ان کے قبضے سے اسلحہ برآمد کرلیا۔ ذرائع کے مطابق ملزمان میں جمشید عرف کاکا اورنیازو شاہد شامل ہیں جو قتل، اقدام قتل، بھتہ خوری اور تھانے پر حملوں کے الزام میں پولیس کو مطلوب تھے۔ ادھر سائٹ پولیس نے سائٹ اے میں ڈکیتی کے الزام میں 3افراد کو گرفتار کرکے ان کے قبضے سے اسلحہ برآمد کرلیا۔ لیاقت آباد سپرمارکیٹ میں اینٹی کار لفٹنگ سیل نے کارروائی کرتے ہوئے 2کار لفٹرز کو گرفتار کرلیا۔ اے سی ایل سی کے ایس ایس پی مقدس حیدر کے مطابق گرفتار ملزمان میں رحیم بخش اور کامران عرف چنا شامل ہیں ۔ انہوں نے مزید بتایا کہ یہ گروہ کراچی میں کئی گاڑیاں چوری کر چکاہے، گرفتار ملزم چوری کی گاڑی میں منشیات اسمگل کرتے تھے۔ جبکہ یاد رہے کہ پاک فوج کے شعبہ تعلقات عامہ ( آئی ایس پی آر) کے مطابق لیاری گینگ کے سرغنہ عزیر بلوچ کو آرمی ایکٹ 1923 کے تحت تحویل میں لے لیا تھا۔ ملزم عزیر بلوچ پر غیرملکی خفیہ اداروں کو حساس معلومات فراہم کرنے کا الزام ہے۔ ذرائع کے مطابق ملزم عزیر بلوچ نے دوران تفتیش بھارتی خفیہ ایجنسی ’’را ‘‘ اور ایرانی انٹیلی جنس ایجنسیوں سے بھی روابط کا اعتراف کیا تھا جب کہ ملزم کا پاکستان سے گرفتار بھارتی خفیہ ایجنٹ کلبھوشن یادیو سے بھی رابطوں کا انکشاف ہوا ہے۔


Top