یہ نقصان میرا ذاتی نقصان ہے۔۔۔۔ چیف جسٹس آف پاکستان کس کے انتقال پر اتنے رنجیدہ ہیں؟ خبر آگئی – Tareekhi Waqiat Official Urdu Website
You are here
Home > پا کستا ن > یہ نقصان میرا ذاتی نقصان ہے۔۔۔۔ چیف جسٹس آف پاکستان کس کے انتقال پر اتنے رنجیدہ ہیں؟ خبر آگئی

یہ نقصان میرا ذاتی نقصان ہے۔۔۔۔ چیف جسٹس آف پاکستان کس کے انتقال پر اتنے رنجیدہ ہیں؟ خبر آگئی

لاہور(ویب ڈیسک) معروف قانون دان عاصمہ جہانگیر کے انتقال پر ملکی سیاسی و سماجی شخصیات کی جانب سے تعزیت کا اظہار کیا جارہا ہے۔ چیف جسٹس آف پاکستان جسٹس میاں ثاقب نثار نے بھی عاصمہ جہانگیر کے انتقال پر اظہار افسوس و تعزیت کیا اور ان کی خدمات کو خراج تحسین پیش کیا۔ انہوں نے

یہ بھی پڑھیں:بڑی خبر :ڈاکٹر عامر لیاقت سپریم کورٹ میں پیش ،اُنہیں کِس کیس میں طلب کیا گیا؟ جانیے

عاصمہ جہانگیر کی خدمات کو سراہتے ہوئے ہوئے تاریخی الفاظ کہے کہ عاصمہ جہانگیر کا انتقال میرا ذاتی نقصان ہے۔ معروف قانون دان اور سپریم کورٹ بار کی سابق صدر عاصمہ جہانگیر انتقال کرگئیں اور ان کے اہلخانہ سے تعزیت کیلئے چیف جسٹس آف پاکستان میاں ثاقب نثار اور بحریہ ٹاﺅن کے بانی ملک ریاض بھی ان کی رہائش گاہ پر پہنچے۔ چیف جسٹس نے عاصمہ جہانگیر کے انتقال کو اپنا ذاتی نقصان قراردیا۔

دوسری طرف لاہور بار نے عاصمہ جہانگیر کے انتقال پر تین روزہ سوگ کا اعلان کردیا اور کہاہے کہ پیر کو وکلاءعدالتوں میں پیش نہیں ہوں گے ۔ احسن بھون اور دیگر وکلاءرہنما بھی عاصمہ جہانگیر کے گھر موجود ہیں۔ دوسری طرف صدر مملکت ممنون حسین نے ممتاز قانون دان عاصمہ جہانگیر کے انتقال پر اظہار افسوس کرتے ہوئے کہا کہ عاصمہ جہانگیر نے قانون کی بالادستی اور جمہوریت کے استحکام کے لیے ناقابل فراموش کردار ادا کیا اور انہیں ہمیشہ یاد رکھا جائے گا۔وزیر اعظم شاہد خاقان عباسی نے بھی عاصمہ جہانگیر کے انتقال پر گہرے رنج و غم کا اظہار کیا۔ اس حوالے سے وزیر اعظم کا کہنا تھا کہ آج ملک ایک نڈر، بہادر اور

اصول پسند شخصیت سے محروم ہوگیا اور بے زبانوں، بے سہاروں اور ظالموں کے ستائے ہوئے مظلوموں کی آواز آج ہمیشہ کے لیے خاموش ہوگئی۔انہوں نے کہا کہ عاصمہ جہانگیر نے آمریت کو ڈٹ کر للکارا، انسانی حقوق کی پامالی کے خلاف بے جگری سے لڑیں اور سچ کو بے دھڑک بیان کرنے کی روایت بنی۔وزیر اعظم کا کہنا ہے کہ آمریت کے خلاف جمہوریت کے حق میں ان کی کاوشیں اور جدوجہد نا قابل فراموش ہیں جب کہ عاصمہ جہانگیر کی پوری زندگی عدل و انصاف کی تحریک کے لیے وقف رہی۔ چیرمین سینیٹ رضا ربانی کا عاصمہ جہانگیرکےانتقال پرگہرے دکھ اور افسوس کا اظہار کرتے ہوئے کہنا تھا کہ پسے ہوئے طبقات کے حقوق کے لئے عاصمہ جہانگیر کی خدمات ہمیشہ یاد رکھی جائیں گی۔سابق وزیراعظم اور مسلم لیگ (ن) کے صدر نواز شریف نے بھی معروف قانون دان کے انتقال پر گہرے رنج و غم کا اظہار کیا۔اپنے تعزیتی پیغام میں انہوں نے کہا کہ جمہوریت، قانون و انصاف، انسانی حقوق اور خواتین کے لیے مرحومہ کی خدمات ہمیشہ یاد رکھی جائیں گی۔سابق صدر اور پیپلز پارٹی کے شریک چیئرمین آصف علی زرداری نے عاصمہ جہانگیر کے انتقال کو بہت بڑا دھچکہ قرار دیتے ہوئے کہا کہ عاصمہ جہانگیر نے جمہوریت اور انسانی حقوق کے لئے بہادری سے جدوجہد کی اور وہ صرف ایک خاتون نہیں بلکہ انسانی حقوق کیلئے مؤثر آواز تھیں۔وزیراعلیٰ سندھ سید مراد علی شاہ نے اپنے تعزیتی بیان میں کہا کہ عاصمہ جہانگیر کی انسانی حقوق کےلئےجدوجہد ناقابل فراموش ہیں۔


Top